Կարգախոս՝ «Միշտ մեկ քայլ առաջ»

Ավելի քան 25 տարի «Վալան Գրուպ»-ը վստահորեն զբաղեցնում է իր դիրքը Հայաստանի շինարարական արտադրության եւ ինտերիերի լուծումների շուկայում՝ հանդիսանալով ոլորտի առաջատարներից մեկը։ Հիմնադրվելով 2001 թվականին՝ ընկերությունը ձևավորվել է որպես հուսալի գործընկեր թե՛ անհատ սպառողների, թե՛ միջազգային ճանաչում ունեցող բրենդների համար։ Տարիների ընթացքում ընկերությունը զարգացրել է իր արտադրական և մասնագիտական ներուժը՝ ընդլայնելով ծառայությունների շրջանակն ու ապահովելով բարձր որակ՝ բոլոր նախագծերում։
ՆԵրկայումս «Վալան Գրուպ»-ն ալյումինե դռների և պատուհանների, ֆասադային կոնստրուկցիաների առաջատար արտադրողն է Հայաստանում։ Մասնագիտացած է ալյումինե, մետաղապլաստե դռների, պատուհանների, ֆասադային համակարգերի, ապակե կոնստրուկցիաների, վիտրաժների, շարժական, հեռակառավարվող դռների, ծալվող դռների, միջսենյակային փայտե դռների, սեկցիոն դարպասների և կահույքի ներմուծման, արտադրման, տեղադրման ուղղություններով:
Այսօր ընկերությունն ունի 8 մասնաճյուղ, ավելի քան 200 աշխատակից, 400000-ից ավել նախագծեր և տարիների ընթացքում ձևավորել է ոլորտի վստահելի և առաջատար կազմակերպության հեղինակություն։ Ընկերությունը միավորում է մի շարք ինքնուրույն և հաջողված բրենդներ՝ «Valan Doors», «Valan Furniture», «Valan Decor», «Euroaccess», ինչպես նաև հանդիսանում է ռուսական հայտնի «Volhovec» («Վոլխովեց») լյուքս դասի միջսենյակային դռների բրենդի պաշտոնական ներկայացուցիչը Հայաստանում՝ համագործակցելով բացառապես արտոնագրված եվրոպական արտադրողների հետ։

Valan Doors
2020 թվականին բացվեց «Valan Doors» խանութ-սրահը, որը ներկայացնում է պրեմիում դասի ռուսական և բելառուսական դռների լայն տեսականի։ Տեսականին ընդգրկում է ռուսական «ZaDoor», «ProfilDoors», բելառուսական «Istok Doors» ապրանքանիշերի ավելի քան 70 մոդել՝ դասականից մինչև ժամանակակից ոճի լուծումներով, ներառյալ ամենապահանջված թաքնված դռները։
Դռները հասանելի են տարբեր երեսապատումներով՝ բնական փայտի շպոն, արհեստական շպոն և էմալապատ։ Արտադրության մեջ կիրառվում են բարձրորակ հումք, գերմանական և ֆրանսիական ներկեր, ինչը ապահովում է քերծվածքակայուն և խոնավակայուն մակերես։ Որոշ մոդելներ առանձնանում են նաև բարձր ձայնամեկուսացմամբ։
«Valan Doors»-ը տրամադրում է ամբողջական ծառայություններ՝ չափագրում, առաքում և մասնագիտական տեղադրում։ Վաճառասրահներում ներկայացված են նաև իտալական «STV Serrature» ապրանքանիշի բռնակներ։

Euroaccess
2020 թվականից կյանքի կոչվեց «Euroaccess»-ը, որը մասնագիտացված խանութ-սրահ է, ներկայացնում է դռների, պատուհանների և կահույքի մակերեւույթների համար նախատեսված բարձրորակ նյութեր, մեխանիզմներ և աքսեսուարներ՝ առաջատար եվրոպական բրենդներից։ Տեսականին ներառում է սլայդ և ավտոմատ դռների մեխանիզմներ, բարձր անվտանգության փականներ, մինչև 6 մետր երկարությամբ ալյումինե և գերմանական մետաղապլաստե պրոֆիլներ, ինչպես նաև հարմարավետությունն ու ֆունկցիոնալությունը բարձրացնող լուծումներ։ «Euroaccess»-ը հանդիսանում է «Վալան Գրուպ»-ի կայուն ուղղություններից մեկը։

Կահույքի արտադրություն
«ՎԱԼԱՆ ԳՐՈՒՊ» ՍՊԸ
2023 թվականից գործարկված է կահույքի արտադրամաս, որտեղ հնարավոր է վերածել դիզայներական մտահղացումներն իրականության՝ կիրառելով բարձրորակ նյութեր՝ գերմանական «Rehau», ավստրիական «JAF», իտալական «Sayerlack», «Greenlam HPL» պանելներ և ավստրիական «Blum» բաղադրիչներ։

Գործունեության հիմնական ուղղություններ
«Վալան Գրուպ»-ը հաճախորդներին առաջարկում է համալիր և ժամանակակից լուծումներ, այդ թվում՝
- ալյումինե և մետաղապլաստե դռներ ու պատուհաններ,
- ֆասադային համակարգեր,
- մետաղական և ապակե կոնստրուկցիաներ,
- հեռակառավարվող դարպասներ,
- պրեմիում և լյուքս դասի միջսենյակային դռներ,
- կահույք, վիտրաժներ, պերգոլաներ և այլ լուծումներ։