- Մենք փնտրում և հանգամանորեն ընտրում ենք փոխնակ մայրերի, որոնք կարող են դառնալ ապագա ծնողների երեխային կրելու և ծննդաբերելու վստահելի գործընկերը։ Մենք երաշխավորում ենք, որ մեր առաջարկած փոխնակ մայրերն անցել են ամբողջական հոգեբանական և բժշկական հետազոտություն և չունեն փոխնակ մայր լինելու հակացուցումներ, ինչը կհաստատի նաև ապագա ծնողների ծրագիրը ղեկավարող բժիշկ-գինեկոլոգ-վերարտադրողաբանը։
- Մենք յուրաքանչյուր ծնողին առաջարկում ենք մինչև երեք հետազոտված փոխնակ մոր թեկնածու։ Փոխնակ մոր հղիությունը չհաջողվելու դեպքում մենք ապագա ծնողներին առաջարկում ենք ևս երկու փոխնակ մոր թեկնածու՝ առանց լրացուցիչ վճարման: Մեր ծառայությունից չօգտվելու և փոխնակ մայր չընտրելու դեպքում ապագա ծնողը մեզ չի վարձատրում։
- Մենք հսկում ենք փոխնակ մոր հղիության ամբողջ 9 ամիսը, կազմակերպում ենք դեղերի և վիտամինների տրամադրումը։
- Մենք յուրաքանչյուր ծնողի համար ունենք հատուկ գնառաջարկ՝ ցածր, միջին և բարձր արժեքներով, որոնք տարբերվում են ծրագրերի իրականացման ժամկետներով և լրացուցիչ երաշխիքներով։
- Մեր դոնորների տվյալների բազան պարունակում է ամբողջական հետազոտություն անցած և միջազգային չափանիշներին համապատասխանող ձվաբջջի դոնորների վերաբերյալ տեղեկատվություն։ Դոնորների տվյալների բազան համալրվում է նոր թեկնածուով միջինը շաբաթը մեկ անգամ։ Դոնորների տվյալների բազան պարունակում է ձվաբջջի դոնորի ֆենոտիպի և իր մասին ամբողջական տվյալներ, ձվաբջջի դոնորների ներկայում ու անցյալում կատարված լուսանկարներ։
- Մենք տեղափոխում ենք ապագա ծնողների կենսանյութերը՝ ձվաբջիջը, սերմը և սաղմիկն արագ, անվտանգ և աշխարհի ցանկացած վայրից, դրանց համար նախատեսված հատուկ MVE CryoShipper դասի Դյուարի անոթներով։
- Մենք տրամադրում ենք իրավաբանական խորհրդատվություն վերարտադրողական իրավունքի վերաբերյալ և կազմում ենք փոխնակ մոր և ձվաբջջի դոնորի հետ կնքվող վերարտադրողականության օժանդակ տեխնոլոգիաների կիրառման մասին նոտարական վավերացմամբ պայմանագրերը և անհրաժեշտ այլ փաստաթղթերը։
- Մենք առաջարկում ենք լավագույն բժշկական ընկերությունները, այդ թվում արտամարմնային բեղմնավորման (ԱՄԲ) կլինիկաներ, ամենաբարձր վարկանիշ ունեցող բժիշկներ և լավագույն լաբորատորիաներ, հղիության վարման բժշկական ընկերություններ և ծննդատներ, ներկայացնում ենք իրենց վերաբերյալ վիճակագրական տվյալները, դրական և բացասական կողմերը, իսկ Ձեզ մնում է միայն ընտրել։
- Յուրաքանչյուր փոխնակ մայրության և ձվաբջջի դոնորության ծրագիր վերահսկվում է համակարգողի կողմից: Ծրագրի համակարգողը 24/7 ռեժիմով կապի մեջ է փոխնակ մայրերի և ձվաբջջի դոնորների հետ և տեղյակ է ամեն ինչից՝ նրանց առողջական վիճակի, բժշկական հետազոտությունների ընթացքի և ապրելակերպի վերաբերյալ, որի մասին պարբերաբար իրազեկվում է ապագա ծնողը։
- Ծննդաբերման ավարտին մենք հանձնում ենք ծնողներին իրենց նորածնի ծննդյան վկայականը, իսկ անհրաժեշտության դեպքում նախապատրաստում ենք անհրաժեշտ փաստաթղթերը՝ համապատասխան պետության դեսպանատան հյուպատոսական մարմնին ներկայացնելու համար։

ԼՐԱՑՈՒՑԻՉ ԾԱՌԱՅՈՒԹՅՈՒՆՆԵՐ

- Մենք կազմակերպում ենք ձեր տրանսֆերը «Զվարթնոց» օդանավակայանից հյուրանոց և հյուրանոցից՝ «Զվարթնոց» օդանավակայան
- Մենք առաջարկում ենք Ձեզ հյուրատներ, այդ թվում՝ նորածնի խնամքը կազմակերպելու համար
- Մենք առաջարկում ենք հետծննդյան ժամանակահատվածի համար արդեն փորձված դայակներ
- Մենք տրամադրում ենք մասնագիտացված լուսա- և տեսանկարիչ՝ ձեր երեխայի առաջին օրերի հուշերի պահպանման համար
- Մենք առաջարկում ենք թարգմանչական ծառայություններ և կազմակերպում ենք անհրաժեշտ փաստաթղթերի թարգմանությունը

Սույն էջում ձվաբջիջների դոնորությանը և փոխնակ մոր միջոցով տրամադրվող ծառայություններին առնչվող գովազդն իրականացվում է գինեկոլոգիական և վերարտադրողաբանական բժշկական օգնության և սպասարկման տեսակի լիցենզիա ունեցող բժշկական կազմակերպության անունից: