«ՍՓՅՈՒՌԻ» ՄԱՍԻՆ


ՀԱՅԱՍՏԱՆԻ ԿԱԶՄԱԿԵՐՊՈՒԹՅՈՒՆՆԵՐԻ ՌԵԳԻՍՏՐ
ՀԱՅԱՍՏԱՆԻ ԳՈՐԾԱՐԱՐ ՏԵՂԵԿԱՏՈՒ ԵՎ ՀԱՅԱՍՏԱՆԻ ԴԵՂԻՆ ԷՋԵՐ

«Սփյուռը» միակ տեղեկատվական ընկերությունն է, որը, սկսած 1992 թվականից, կայունորեն իրականացնում է Հայաստանի կազմակերպությունների մասին տեղեկությունների հավաքում, մշակում և տարածում։

ՀԻՄՆԱԿԱՆ ՍԿԶԲՈՒՆՔՆԵՐԸ
  • տեղեկությունները «Սփյուռի» տեղեկատուներով տրամադրվում են (տարածվում են) առավելագույնս ազատ (անվճար կամ սիմվոլիկ գնով)
  • տեղեկությունների ազատ տարածումն իրականացվում է տեղեկությունները տրամադրող կազմակերպությունների հաշվին
  • կազմակերպությունները կրում են տեղեկությունների հավաստիության պատասխանատվությունը
  • տեղեկությունները պարբերաբար ճշտվում են
  • մշտապես քայլեր են ձեռնարկվում «Սփյուռի» տեղեկատուները ավելի ճանաչելի դարձնելու ուղղությամբ
  • տեղեկատվական տեխնոլոգիաների զարգացմանը զուգընթաց մշակվում են տեղեկությունների տարածման նոր ձևեր

ՊԱՏՄՈՒԹՅՈՒՆԸ
1992 -  հիմնադրվեց Հայաստանի ձեռնարկությունների և կազմակերպությունների մասին անվճար հեռախոսային տեղեկատու ծառայությունը
1993 -  սկիզբ դրվեց Հայաստանի ձեռնարկությունների և կազմակերպությունների մասին տեղեկագրքի հրատարակմանը ռուսերեն լեզվով, որը բազմացվում էր պատճենահանման ապարատով
գրանցված կազմակերպությունների քանակը գերազանցեց 500-ը
1994 -  լույս տեսավ տպագրական եղանակով հրատարակված առաջին տեղեկագիրքը՝ գունավոր կազմով, 500 օրինակ տպաքանակով, ռուսերեն լեզվով
1995 -  տեղեկատու ծառայությունը սկսեց սպասարկել 2 հեռախոսով
տեղեկագրքի տպաքանակը հասցվեց 1000 օրինակի
1996 -  հրատարակվեց «Հայաստանի ձեռնարկություններ և կազմակերպություններ» տեղեկագիրքը վեց լեզվով (ռուսերեն, անգլերեն, հայերեն, ֆրանսերեն, իսպաներեն, արաբերեն)՝ 2300 օրինակ տպաքանակով (հատուկ թողարկում)՝ «Եվրասիա» հիմնադրամի աջակցությամբ
տեղեկագրքի տպաքանակը հասցվեց 1500 օրինակի
1997 -  մշակվեցին տեղեկագրքի էլեկտրոնային տարբերակները մագնիսական և լազերային տեղեկութակիրների համար՝ ռուսերեն լեզվով, որոնման լայն հնարավորությամբ
տեղեկատվական շտեմարանը տեղադրվեց Ինտերնետ ցանցում՝ ռուսերեն և անգլերեն լեզուներով (յուրաքանչյուր կազմակերպություն ներկայացվեց առանձին տեղեկատվական էջով՝ անհատական հասցեով)
սկիզբ դրվեց անգլերեն տեղեկագրքի պարբերական թողարկմանը
1998 -  տեղեկատու ծառայությունն անցավ 3 հեռախոսով սպասարկմանը
տեղեկագրքի տպաքանակը հասցվեց 2000 օրինակի
1999 -  տեղեկատու ծառայությունն անցավ +374-10-590000 բազմուղի հեռախոսով սպասարկմանը
գրանցվեց "spyur.am" սեփական դոմենը Ինտերնետ ցանցում
www.spyur.am-ը դարձավ Ինտերնետ ցանցում տեղադրված տեղեկատվական շտեմարանի հասցեն
լույս տեսավ «Առևտուր։ Ապրանքներ մեծածախ և մանրածախ։ 1999» թեմատիկ տեղեկագիրքը՝ 2000 օրինակ տպաքանակով
2000 -  Ինտերնետ ցանցում տեղադրված շտեմարանը համալրվեց որոնման հնարավորությամբ
հրատարակվեց «Հայաստանի ձեռնարկություններ և կազմակերպություններ» հայերեն առաջին տեղեկագիրքը՝ որպես հավելում ռուսերեն հրատարակությանը
հրատարակվեց «Պատրաստված է Հայաստանում։ Արտադրանքի տեղեկատու։ 2000» թեմատիկ տեղեկագիրքը (անգլերեն և ռուսերեն լեզուներով՝ «Եվրասիա» հիմնադրամի աջակցությամբ)՝ 2000 օրինակ ընդհանուր տպաքանակով
գրանցված կազմակերպությունների քանակը գերազանցեց 1000-ը
2001 -  «Հայաստանի ձեռնարկություններ և կազմակերպություններ» տեղեկագիրքը վերանվանվեց «Հայաստանի Գործարար տեղեկատու և Դեղին էջեր» և պայմանականորեն բաժանվեց 2 գրքի
տեղեկագրքի տպաքանակը հասցվեց 2500 օրինակի
հայերեն հավելվածի հիման վրա հրատարակվեց «Հայաստանի Դեղին էջեր» հայերեն առաջին տեղեկագիրքը (համառոտ տարբերակ)
«Հայկական Ինտերնետ Միության» որոշմամբ "yellowpages.am" փակ դոմենը տրամադրվեց «Սփյուռ» ՍՊԸ-ին՝ Ինտերնետ ցանցում «Հայաստանի Դեղին էջեր»-ը ներկայացնելու համար
Ինտերնետ ցանցում տեղադրված շտեմարանը բաժանվեց երկու մասի՝ «Հայաստանի Գործարար տեղեկատու» և «Հայաստանի Դեղին էջեր»
2002 -  տեղեկատու ծառայությունն անցավ 4 հեռախոսով սպասարկմանը
տեղեկագրքի տպաքանակը հասցվեց 3000 օրինակի
2003 -  "Kompass International"-ի հետ կնքվեց բացառիկ իրավունքի պայմանագիր Հայաստանի գործարար տեղեկատվությունը "Kompass" համաշխարհային գործարար տեղեկատվական համակարգում ներկայացնելու մասին
Հայաստանի կազմակերպությունների մասին տեղեկությունները առաջին անգամ ներկայացվեցին "Kompass" համակարգի տեղեկատվական միջոցներում՝ www.kompass.com վեբ-կայքում, "Kompass Concord" և "EEKOD" CD-թողարկումներում
տեղեկատու ծառայությունն անցավ 5, ապա 6 հեռախոսով սպասարկմանը
լույս տեսավ «Հայաստանի Գործարար տեղեկատու և Դեղին էջեր» հայերեն առաջին տեղեկագիրքը
գրանցվեց "b2b.am" դոմենը՝ Ինտերնետ ցանցում Հայաստանի գործարար տեղեկությունների ներկայացման համար
գրանցված կազմակերպությունների քանակը գերազանցեց 1500-ը
«Սփյուռ» և «Հայաստանի Դեղին էջեր» ապրանքանիշերը գրանցվեցին որպես «Սփյուռ» ՍՊԸ սեփականություն Հայաստանի մտավոր սեփականության գործակալությունում
2004 -  տեղեկատու ծառայությունն անցավ +374-10-519999 բազմուղի հեռախոսով սպասարկմանը
արդիականացվեց տեղեկությունների մուտքագրման և մշակման համակարգը
տեղեկատու ծառայությունն անցավ մինչև ժամը 23:00 սպասարկման ռեժիմին
նորացվեց www.spyur.am վեբ-կայքի դիզայնը
2005 -  գրանցված կազմակերպությունների քանակը գերազանցեց 2000-ը
տեղեկատու ծառայությունն անցավ 7 հեռախոսով սպասարկմանը
2006 -  «Հայկական ինտերնետային ռեսուրսների որակի և պահանջվածության վարկանիշը» անկախ հետազոտության համաձայն www.spyur.am վեբ-կայքը 2005 թ. արդյունքներով զբաղեցրեց առաջին տեղը
առանձին թողարկմամբ լույս տեսավ «Հայաստանի Դեղին էջեր» հայերեն առաջին լիածավալ տեղեկագիրքը՝ 5000 օրինակ տպաքանակով
Ինտերնետում տեղադրված տեղեկատվական շտեմարանը դարձավ եռալեզու (համալրվեց հայերեն տարբերակով)
տեղեկատու ծառայությունն անցավ 8 հեռախոսով սպասարկմանը
էլեկտրոնային բովանդակության 2-րդ համահայկական մրցույթում www.spyur.am վեբ-կայքը արժանացավ «Գլխավոր մրցանակի» (500000 դրամ) և լավագույնը ճանաչվեց «Էլեկտրոնային բիզնես» անվանակարգում` վաստակելով միջազգային մրցույթին մասնակցելու ուղեգիր
գործարար տեղեկատվական ծառայությունների մատուցման գործում նշանակալի հաջողությունների համար «Սփյուռ» ընկերությունն արժանացավ Հայաստանի առևտրաարդյունաբերական պալատի կողմից սահմանված «Մերկուրի» մրցանակի
գրանցվեց "kompass.am" դոմենը՝ "Kompass" համաշխարհային գործարար տեղեկատվական համակարգի ծառայությունները ներկայացնելու համար
2007 -  «Հայկական ինտերնետային ռեսուրսների որակի և պահանջվածության վարկանիշը» հետազոտության համաձայն (www.iatp.am) հայկական ԶԼՄ-ների և տեղեկատվական համակարգերի վեբ-կայքերի շարքում www.spyur.am կայքը 2006 թ. արդյունքներով զբաղեցրեց առաջին տեղը
սկսվեց ISO 9001։2000 Որակի կառավարման համակարգի ներդրման գործընթացը
առանձին թողարկմամբ լույս տեսավ «Հայաստանի Գործարար տեղեկատու» հայերեն տեղեկագիրքը
«Հայաստանի Դեղին էջեր» հայերեն տեղեկագրքի տպաքանակն հասցվեց 7000 օրինակի
www.spyur.am վեբ-կայքում ավելացավ Երևանի քարտեզի վրա www.gisinfo.am վեբ-կայքի օգնությամբ կազմակերպության դիրքը որոշելու հնարավորությունը
տեղեկատու ծառայությունն անցավ 9 հեռախոսով սպասարկմանը
2008 -  «Հայկական ինտերնետային ռեսուրսների որակի և պահանջվածության վարկանիշը» հետազոտության համաձայն (www.iatp.am) հայկական ԶԼՄ-ների և տեղեկատվական համակարգերի վեբ-կայքերի շարքում www.spyur.am կայքը 2007 թ. արդյունքներով զբաղեցրեց առաջին տեղը
տեղեկատու ծառայությունն անցավ 10 հեռախոսով սպասարկմանը
գրանցված կազմակերպությունների քանակը գերազանցեց 2500-ը
լույս տեսավ «Հայաստանի Գործարար տեղեկատու և Դեղին էջեր» եռալեզու CD-հրատարակման առաջին թողարկումը (հայերեն, ռուսերեն և անգլերեն լեզուներով)
2009 -  «Հայաստանի Դեղին էջեր» հայերեն տեղեկագրքի տպաքանակն հասցվեց 10000 օրինակի
լույս տեսավ «Հայաստանի Դեղին էջեր» եռալեզու բջջային հրատարակման առաջին թողարկումը (անվճար Java-հավելված բջջային հեռախոսների համար՝ հայերեն, ռուսերեն և անգլերեն լեզուներով)
Թբիլիսիում կայացած «ՏՏ-նորարարությունների մրցանակաբաշխություն 2009» տարածաշրջանային միջոցառմանը «Սփյուռի» կողմից ներկայացված «Հայաստանի Գործարար տեղեկատու և Դեղին էջեր» CD-հրատարակումն արժանացավ գլխավոր մրցանակի՝ «Գործարարության աջակցման լավագույն լուծում» անվանակարգում
2010 -  «Հայաստանի Գործարար տեղեկատու» ապրանքանիշը գրանցվեց որպես «Սփյուռ» ՍՊԸ սեփականություն Հայաստանի մտավոր սեփականության գործակալությունում
հիմնովին վերափոխվեց www.spyur.am վեբ-կայքը, ավելացվել են տեղեկությունների որոնման և դիտման նոր հնարավորություններ, կայքից օգտվելը դարձել է առավել հեշտ և հարմարավետ
www.spyur.am վեբ-կայքում ստեղծվեց հնարավորություն տեսնելու կազմակերպությունների դիրքը Google Maps քարտեզի վրա
գործարկվեց «Սփյուռ պլյուս» նոր շուրջօրյա հեռախոսային տեղեկատուն՝ 09000-9999 հեռախոսահամարով, որը տրամադրում է ամբողջական տեղեկություններ Հայաստանի և Լեռնային Ղարաբաղի մոտ 20 000 կազմակերպությունների, նրանց կողմից առաջարկվող ապրանքների և ծառայությունների մասին և այլ բազմաբնույթ օգտակար տեղեկություններ
2011 -  գրանցված կազմակերպությունների քանակը գերազանցեց 3000-ը
www.spyur.am վեբ-կայքի տվյալների շտեմարանը համալրվեց «Սփյուռ-ռեգիստրում» չգրանցված կազմակերպություններով (մեկ հեռախոսով և հաղորդագրությամբ, որ կազմակերպության տվյալները ներկայացված են «Սփյուռի» 09000-9999 շուրջօրյա տեղեկատուում)
www.spyur.am վեբ-կայքում հնարավոր դարձավ յուրաքանչյուր որոնման արդյունքը տեսնել նաև քարտեզի վրա
www.spyur.am վեբ-կայքում կազմակերպության էջը բացելիս քարտեզի վրա միաժամանակ տեսանելի դարձան կազմակերպության բոլոր հասցեները իրենց կոնտակտային տվյալներով
«Սփյուռ» հեռախոսային տեղեկատուն (+374-10-519999) սկսեց աշխատել շուրջօրյա, բացի կիրակի և տոն օրերից
«Սփյուռի» հեռախոսային տեղեկատուներն անցան 11 հեռախոսով սպասարկմանը
«Սփյուռ» հեռախոսային տեղեկատուն սկսեց գործել նաև +374-60-519999 հեռախոսահամարով
«Սփյուռի» հեռախոսային տեղեկատուներն համալրվեցին հեռախոսազանգերի կառավարման մասնագիտացված համակարգով (call center), որը հնարավորություն տվեց կառավարել զանգերի հոսքը, գրանցել զանգերի վիճակագրությունը և ձայնագրել զանգերը
2012 -  «Հայաստանի Դեղին էջեր» տեղեկագրքի էլեկտրոնային տարբերակը հասանելի դարձավ www.spyur.am վեբ-կայքում
«Սփյուռի» հեռախոսային տեղեկատուներն անցան 12 հեռախոսով սպասարկմանը
www.spyur.am-ում հնարավորություն ստեղծվեց դիտելու կազմակերպությանը վերաբերող լուսանկարներ և տեսահոլովակներ
գրանցված կազմակերպությունների քանակը գերազանցեց 3500-ը
2013 -  «Սփյուռի» հեռախոսային տեղեկատուներն անցան 14 հեռախոսով սպասարկմանը
«Սփյուռի» կողմից մշակվեց «Հայաստանի Դեղին էջեր» հավելվածը Android և iOS համակարգերով աշխատող հեռախոսների և պլանշետային համակարգիչների համար
«Սփյուռ» հեռախոսային տեղեկատուն սկսեց գործել նաև 113՝ հանրային նշանակության կարճ հեռախոսահամարով
2014 -  «Սփյուռ պլյուս» հեռախոսային տեղեկատուն սկսեց գործել նաև 09000-1313 հեռախոսահամարով
բջջային Android- և iOS-հավելվածներում ավելացվեցին տեղեկությունների որոնման և դիտման նոր հնարավորություններ. «խելացի» որոնում; որոնում ապրանքանիշով; որոնում միաժամանակ անվանումով, գործունեությամբ և ապրանքանիշով; կազմակերպությունների դասավորում ըստ հեռավորության և այբուբենի; կազմակերպության էջում բոլոր հասցեների ցուցադրում (ներառյալ դիրքը քարտեզի վրա) և բոլոր հեռախոսահամարների ցուցադրում՝ զանգ կատարելու հնարավորությամբ
www.spyur.am-ում հնարավորություն ստեղծվեց դիտելու «Սփյուռ-ռեգիստրում» չգրանցված կազմակերպությունների ոչ միայն անվանումը և հեռախոսը, այլ նաև հասցեն
«Սփյուռի» հեռախոսային տեղեկատուում ավելացել է կազմակերպությանը ուղիղ կապով միանալու հնարավորություն («Զանգի վերահասցեավորում» ծառայություն): Այսինքն, տվյալ ծառայությունը պատվիրած կազմակերպությունների հարցման դեպքում, առանց զանգի ընդհատման, զանգահարողը ուղիղ հեռախոսակապով միանում է կազմակերպությանը
2015 -  «Սփյուռ» հեռախոսային տեղեկատուի 113 կարճ հեռախոսահամարը սկսեց գործել նաև Լեռնային Ղարաբաղում
«Սփյուռ» հեռախոսային տեղեկատուն սկսեց գործել նաև 374-11-331331 հեռախոսահամարով, որը, հիմնականում, նախատեսված է արտասահմանից զանգեր ընդունելու համար
«Սփյուռ-ռեգիստրում» գրանցված կազմակերպությունների համար ստեղծվեց կազմակերպության «Անձնական գրասենյակ» ինտերնետային հարթակը (pp.spyur.am), որը կազմակերպություններին հնարավորություն է տալիս տեսնելու «Սփյուռ» հեռախոսային տեղեկատուում իր հետ կապված հեռախոսազանգերի վիճակագրությունը, ինչպես նաև լսելու զանգերի ձայնագրությունները
«Սփյուռ» հեռախոսային տեղեկատուն սկսեց գործել նաև ԱՄՆ-ի +1-747-228-1111 հեռախոսահամարով, որը նախատեսված է ԱՄՆ-ից զանգեր ընդունելու համար

«ՍՓՅՈՒՌՆ» ԱՅՍՕՐ
Տեղեկատվական շտեմարանը
«Սփյուռի» տեղեկատվական շտեմարանում ներկայացված են.
  • 25 000 կազմակերպություն և պետական կառույց
  • 1100 գործունեության տեսակ
  • 21 400 ապրանք, ծառայություն
  • 4400 ապրանքանիշ, բրենդ
Կազմակերպությունների մասին տեղեկությունները ներկայացվում են հետևյալ ծավալով (մինչև 29 պարամետր).
  • կազմակերպության անվանում
  • կազմակերպաիրավական ձև
  • ղեկավար (անուն, հայրանուն, ազգանուն և պաշտոն)
  • սեփականության ձև
  • հիմնադրման տարի
  • աշխատողների քանակ
  • հասցե (հասցեի անուն, երկիր, փոստային ինդեքս, մարզ/տարածաշրջան, բնակավայր, վարչական շրջան (Երևանի դեպքում), թաղամաս, փողոց, շենք/տուն, հարկ/սենյակ/բնակարան, նշումներ)
  • դիրքը քարտեզի վրա
  • հեռախոս (բաժին/պաշտոն, բաժնի/պաշտոնի աշխատանքային ժամեր, հեռախոսահամար)
  • էլ. փոստ (բաժին/պաշտոն, էլ. փոստի հասցե)
  • կապի այլ միջոցներ (ֆաքս, Skype, ...)
  • վեբ-կայք
  • Spyur.am-ում անհատական էջի կարճ հասցե
  • աշխատանքային օրեր
  • աշխատանքային ժամեր
  • տարեկան շրջանառություն
  • անվանման բանալի բառեր
  • գործունեության նկարագրում
  • գործունեության տեսակ «Սփյուռ» դասակարգչով
  • ապրանքներ, ծառայություններ «Սփյուռ» դասակարգչով
  • ապրանքատեսակներ
  • ապրանքատեսակների նկարներ
  • ապրանքներ, ծառայություններ «Կոմպաս» դասակարգչով
  • ապրանքանիշեր, բրենդներ
  • կազմակերպության մասին, կարգախոս
  • տվյալների ընդգծում շրջանակով + լոգոտիպ
  • լոգոտիպ
  • ֆոտոշարք
  • տեսաշարք

Տեղեկատուները
Հայաստանի և Լեռնային Ղարաբաղի կազմակերպությունների մասին տեղեկությունները բոլոր ցանկացողները կարող են ստանալ «Սփյուռի» 6 տեղեկատուների միջոցով.
  • հեռախոսային բազմուղի (14 գիծ) տեղեկատուների միջոցով.
    • «Սփյուռ» հեռախոսային տեղեկատուի՝ 113 (Հայաստան, Լեռնային Ղարաբաղ), +374-11-331331, +374-10-519999, +374-60-519999, +1-747-228-1111 (ԱՄՆ) հեռախոսահամարներով
    • «Սփյուռ պլյուս» հեռախոսային տեղեկատուի՝ 09000-1313 հեռախոսահամարով
  • տեղեկագրքի միջոցով՝ «Հայաստանի Դեղին էջեր» (թողարկվում է հայերեն լեզվով)
  • www.spyur.am տեղեկատվական վեբ-կայքի միջոցով (եռալեզու՝ հայերեն, ռուսերեն, անգլերեն)
  • PC-հրատարակման միջոցով՝ «Հայաստանի Գործարար տեղեկատու և Հայաստանի Դեղին էջեր» (եռալեզու՝ հայերեն, ռուսերեն, անգլերեն)
  • բջջային հավելվածների (Android, iOS, Java) միջոցով՝ «Հայաստանի Դեղին էջեր» (եռալեզու՝ հայերեն, ռուսերեն, անգլերեն)
  • «Կոմպաս» (Kompass.com) միջազգային գործարար տեղեկատվական համակարգի միջոցով (անգլերեն և ռուսերեն լեզուներով)

Վիճակագրությունը
«Սփյուռի» տեղեկատուների վիճակագրական ցուցանիշները հետևյալն են.
  • հեռախոսային տեղեկատուներ՝ մինչև 8000 սպասարկված զանգ օրական
  • տեղեկագրքեր՝ 4500 թողարկված օրինակ տարեկան
  • վեբ-կայք.
    • 25 000 այցելություն օրական
    • 65 000 դիտված էջ օրական
  • PC-հրատարակում.
    • Ինտերնետից (www.spyur.am) տարեկան բեռնումների քանակը` 2000
  • բջջային հավելվածներ (Android, iOS, Java).
    • Ամսական այցելությունների քանակը` մոտ 12 500

Բեռնել հայերեն Unicode ստեղնաշարը և տառատեսակը